div#header

Wednesday, September 10, 2008

ოპოზიციური ფრაქცია ბათუმის საკრებულოში

”რესპუბლიკელები” ბათუმის საკრებულოში ფრაქციას ქმნიან। საკრებულოს წევრი, ”ნაციონალი” დავით ჩხარტიშვილი მმართველ პარტიას ტოვებს და ”რესპუბლიკელებში” გადადის.

ლელა დუმბაძე/ბათუმელები

ჩხარტიშვილი აცხადებს, რომ მისი მმართველი პარტიიდან წასვლა, ბოლო დროს განვითარებულმა პოლიტიკურმა პროცესებმა განაპირობა: `8 აგვისტოს წაგებული ომის შედეგად ქვეყანა კატასტროფულ მდგომარეობაშია. საქართველოს ხელისუფლებამ კი ხელი მოაწერა საქართველო-საფრანგეთ-რუსეთის ექვსპუნქტიან კაპიტულანტურ ხელშეკრულებას, რომლის მიხედვით რუსი სამხედროები საქართველოში რჩებიან, _ ამბობს ჩხარტიშვილი და დასძენს _ მიხეილ სააკაშვილი მხოლოდ ტყუის და ტრაბახობს. მე არ მინდა ვიყო მატყუარა და მოტრაბახე ხელისუფლების ნაწილი”.

დავით ჩხარტიშვილი საკრებულოში გადასვლამდე გაზეთ `აჭარას~ რედაქტორი იყო, რომლის ფინანსურმა მენეჯერმა სოცოცხლე თვითმკვლელობით დაასრულა. ჩხარტიშვილი ამბობს, რომ ეს პირადი ტრაგედია იყო და რედაქციის ფინანსურ საკითხებს არ უკავშირდებოდა. იგი ოპოზიციაში გადასვლას ჯერ კიდევ `აჭარადან~ წამოსვლის შემდეგ აპირებდა. თუმცა გადაიფიქრა, რადგან, საკრებულოში მას ახალი გაზეთის `ბათუმური ქრონიკების~ რედაქტორობა შესთავაზეს. ჩხარტიშვილი ამ რედაქციიდანაც უკმაყოფილო წავიდა.

ოპოზიცია ცდილობს 15-წევრიან საკრებულოში უმრავლესობა მოიპოვოს, ამიტომ ფრაქციის შესაქმნელად `ლეიბორისტებიც~ იბრძვიან. ფრაქციის შესაქმნელად საკრებულოს სამი წევრია აუცილებელი. `რესპუბლიკურ პარტიას~ საკრებულოში ორი წარმომადგენელი, _ ირაკლი ჩავლეიშვილი და თემურ ყურაშვილი ჰყავს, მათ დავით ჩხარტიშვილი დაემატა, `ლეიბორისტებს~ კი მხოლოდ ერთი წევრი ჰყავთ.



1 comment:

Anonymous said...

ჩხარტიშვილი რესუბლიკელი კი არა ფაშისტია - მისი წიგნი ამორ ფატი თუ გაქვთ წაკითხული - კაცთმოძულე ფილოსოფისა - რევანშისტი და ნაცისტი - მასეთების გამო დავკარგეთ აფხაზეთი